پاک وطن کے پیارے بچوں : غنی دہلوی

پاک وطن کے پیارے بچوں

ہمدردی کے نغمے لکھو
پیار بھرے تم قصے لکھو

پاک وطن کے پیارے بچو!
ملک کی روشن راہیں کھولو

یک جہتی کے پھول کھلائو
دھرتی کو گل زار بنائو

اس میں بچو ! باغ لگائو
اپنے وطن کی شان بڑھائو

بگڑے ہوئے حالات سنوارو
ملک کے تم دن رات سنوارو

اپنے وطن کی لاج رکھو تم
اچھے اچھے کام کرو تم

دنیا میں وہ کام کرو تم
روشن اپنا نام کرو تم

چمکو گے تم سورج بن کر
روشن ہوں گے تم سے گھر، در

فخر کرے گی دنیا تم پر
اک دن بنو گے قوم کے رہبر

کرتے رہو تم محنت بچو!
جاری رکھو تم جہد و عمل کو